Það er fyndin bilunin sem bylur nú á Íslandi. það er spurning hvort bilunin sé tímabundin sem lagist af sjálfu sér eða hvort nauðsynlegt sé að fá hjálp og viðeigandi viðgerð.
Davíð talaði um betri vegi og þakkaði Dóra Blö og Sturlu Bö fyrir. Hann þakkaði Frikka og Geir fyrir framúrskarandi fjárlaga gleðisöng, og hann þakkaði og þakkaði og þakkaði og þá kemur er kastljósinu beint að þeim sem smá brandarar beintust að, enda er í háði oft fólgin mikil gagnrýni. Kastljósið sýndi svo tilburði til að verja samkeppnisaðilan án þess þó að reyna að skoða framsetninguna. Ég spurði mig hví framkvæmdastjóri Sjálfstæðisflokksins var ekki fenginn til að leggja út af ræðu Davíðs, enda var ræðan um Sjálfstæðisflokkinn og árangur Sjálfstæðisstefnunnar ekki einhverja sundurleita fylkingu.
Hitt sjónvarpið sýnir svo viðreynslu við "hinn illa flokk" í von um betri tíð með nýrri forystu. "hinn illi flokkur" með ægivaldið, kúgunina og foringjahollustuna er ekki verri út í þetta "hitt sjónvarp" en svo að útsendurum þess er hleypt inn á gafl sjálfstæðismanna. Athygli vert.
Hinn illi flokkur er ekki verri en svo að hann býður "óvinina" sem þjáðust "vegna andrúmsloftsins" hjartanlega velkomna.
Hvenær vaknar fólkið og áttar sig á æðibunuganginum stormunum í vatnsglösunum.
Ég meina var almenningur í landinu fyrir blóðtöku þegar stjórnvöld hugðu á lagasetningu um eignarhald á fjölmiðlum?
E.t.v. horfði það á einnveg fyrir fjölmiðlana en almenning skipti þetta minna máli.
Annars er ég ánægður eins og venjulega með fundarstjórn Halldórs Blöndal.
